Ramush Haradinaj, kryeministër i Kosovës në një postim në Facebook tregon se është takuar me Agjencionin Kosovar të Privatizimit, ku u shqyrtua dinamika e procesit të privatizimit, vizioni dhe inputet e këtij institucioni.
Nga bordi i drejtorëve ka kërkuar që të përgatis një analizë të aseteve me të cilat menaxhon, që do të jenë dëshmi që Kosova është vend i sigurtë dhe atraktiv për investitorët e jashtëm.
Postimi i plotë i Kryeministrit Haradinaj:
Në takim pune në Agjencinë Kosovare të Privatizimit, së bashku me bordin e drejtorëve shqyrtuam dinamikën e procesit të privatizimit, vizionin dhe inputet e këtij institucioni me rëndësi nacionale, që do t’i jap nxitjes së zhvillimit ekonomik të vendit. Kërkova nga AKP që ta përgatitë një analizë të aseteve me të cilat menaxhon, si dëshmi se Kosova është një vend atraktiv dhe i sigurt për investitorët e jashtëm. Qeveria do ta mbështes AKP-në në synimet e saj, për normativa sa më cilësore, të cilat u mundësojnë sipërmarrësve krijimin e vlerës së shtuar për ekonominë e vendit.
