Kryetari i Lidhjes Demokratike të Kosovës, Isa Mustafa, ka konfirmuar se kjo parti me asnjë kusht, nuk do të bëhet pjesë e qeverisë aktuale.
Mustafa në një postim në Facebook, ka thënë se qeveria Haradinaj duhet të rrëzohet sa më parë, përcjell Bota sot.
Sipas tij, LDK është unike dhe nuk i ka dy zëra.
Mustafa ka theksuar se nga opozita LDK-ja e përkrah dialogun me kriteret e definuara në Këshillin e Përgjithshëm të LDK-së.
Ai poashtu ka thënë se po përpiqen ta manipulojnë qëndrimin e LDK-së për ta dëmtuar partinë e tij.
Postimi i plotë i Mustafës.
Të dashur miq,
LDK në asnjë variant dhe me asnjë kusht nuk bëhet pjesë e kësaj Qeverie. Nuk bëhet pjesë e këtij ekipi negocues! Kjo Qeveri duhet të rrëzohet një ditë e më parë. LDK është partia më e madhe në Kosovë. LDK është në opozitë. Është unike dhe nuk i ka dy zëra. Nga opozita LDK e përkrah dialogun me kriteret e definuara në Këshillin e Përgjithshëm të LDK-së.
Po e përsëris dhe ripërsëris një qëndrim të LDK-së që të gjithë e dinë por po mundohen ta manipulojnë për ta dëmtuar LDK-në. IM