Komisionari Evropian për Politika të Fqinjësisë dhe Negociata të Zgjerimit, Johannes Hahn do të arrijë sot për një vizitë në vendin tonë.
Tash për tash është paralajmëruar takim me kryeministrin Ramush Haradinaj, por nuk është bërë e ditur se cila do të jetë tema e diskutimeve.
Sipas njoftimit, takimi do të mbahet në ndërtesën e Qeverisë, në ora 16:45, ku edhe është paralajmëruar se mediat mund të marrin vetëm pamje.
Ndryshe, vizita e Hahn vjen në kohën kur BE ka kërkuar nga Kosova heqjen e taksave ndaj mallrave serbe dhe atyre nga Bosnja.
Por, Haradinaj ka deklaruar se heqja e taksave mund të ndodhë vetëm në momentin që Serbia është e gatshme të njohë Kosovën si shtet të pavarur.
