Kryeministri vendit, Ramush Haradinaj gjatë një tubimi me strukturat e partisë së tij në Mitrovicë, ka deklaruar se për çështjen e taksës ndaj produkteve të Serbisë kanë përkrahjen popullore.
“Ne vendosëm taksë 10% për t`ua tërhequr vërejtjen, por jam thellë i bindur që për Serbinë nuk është asgjë njohja, çka është tregu i Kosovës – me shit në Kosovë, kemi edhe një përkrahje të madhe popullore”, tha Haradinaj.
Ai ka deklaruar se me vendosjen e taksës ndaj Serbisë, Kosova e mbron tregun, aktivizon resurset e veta ekonomike.
Lidhur me statusin e Trepçës Haradinaj ka thënë se me votimin e statusit të Trepçës do të krijohet një kompani e Kosovës e cila del nga ligji në basë të cilit parlamenti e nis punën e Trepçës.
“Po e votuam të gjithë Trepçën më 100 vota besoni se kurrë më askush s`ka me na vetë kurrgjë. Unë besoj shumë se Kadri Veseli, Shpend Ahmeti, Fatmir Limaj, etj. do ta votojnë statutin e Trepçës, ata të cilën e vonojnë votimin e statusit të Trepçës le ta dinë së e dimë ku e kanë qëllimin. Lë ta dinë Valdrin Lluka, Behxhet, unë di si kryeministër, e të gjithë se është me rëndësi të kryhet kjo punë”, ka thënë ai.
Haradinaj para të pranishmëve ka deklaruar se në Mitrovicë është për t`u sjellë lajmë të mira.
“Sot në Mitrovicë kam ardhë për të sjell lajme të mira. Është lajm i mirë fakti se Isa Mustafa, Albin Kurti e votuan ushtrinë, e duke e formuar atë me votat e të gjithëve të pranishmëve në parlament. Është shumë me rëndësi që ushtria u formua duke marrë vota nga të gjithë deputet e pranishëm. Është e rëndësishme se atë ditë të gjithë ishim fitues edhe ushtari i Ibrahim Rugovës e edhe ai i Adem Jasharit”, ka thënë kryeministri në takimin me strukturat e partisë së tij në Mitrovicë.
