Partia Socialdemokrate ka thënë se është miratuar kërkesa e këtij subjekti për uljen e pagave për pozitat e larta drejtuese
Këtë e ka bërë të ditur Zëdhënësja e PSD’së, Natyra Kuqi, e cila ka shkruar në Facebook se ulja e koeficientit nga 12 në 10 është miratuar edhe nga anëtarët e tjerë të Komisionit për administratën publike.
“Kërkesa e Partisë Socialdemokrate për uljen e koeficientit, përkatësisht uljen e pagave për pozitat e larta drejtuese nga 12 në 10 është miratuar edhe nga anëtarët e tjerë të Komisionit për administratën publike. Ulja e pagave për zyrtarët e lartë politikë dhe rritja e pagave për punonjësit e tjerë të sektorit publik, si për atë të shëndetësisë, kontribuon në zvogëlimin e pabarazisë shoqërore”, ka shkruar Kuqi.
Kjo ishte njëra ndër pesë kërkesat e PSD’së në kohën kur është votuar në lexim të parë Projektligji për buxhetin.