Ymer Ymeri nga SBASHK: Greva mund të zgjasë me muaj, duam rritjen e koeficientit – jo pagave

Aktuale

Ymer Ymeri nga SBASHK: Greva mund të zgjasë me muaj, duam rritjen e koeficientit – jo pagave

Më: 23 janar 2019 Në ora: 18:40
Ymer Ymeri

Sot është dita e tetë e grevës së mësimdhënësve në gjithë Kosovën të cilët po kërkojnë ngritjen e koeficientit.

Gjatë ditës, kryeministri Ramush Haradinaj ka përsëritur se të gjitha orët e humbura, si shkak i grevës në arsim do të kompensohen.

Megjithatë Ymer Ymeri nga SBASHK-u ka thënë se institucionet nuk duhet të dalin me deklarata të tilla.

“Mendoj që institucionet duhet të kursehen nga deklaratat për fillimin ose kompensimin e orëve sepse ende jemi në grevë. Besoj që kemi nevojë që të zhvillojmë dialog se si ta ndërprejmë grevën e jo të bisedojmë sot për zëvendësimin e orëve të humbura kur ende jemi në grevë”.

“Ndoshta greva do të zgjasë edhe me muaj. Nuk duhet institucionet të kërkojnë që të zëvendësohen ditët e humbura”.

Ymeri në Info Magazine ka treguar edhe arsyet se pse SBASHK-u nuk e ka pranuar ofertën e Qeverisë por e ka vazhduar grevën.

“Oferta e Qeverisë është rritja prej 0.2 duke iu shtuar çdo koeficienti të punonjësve të arsimit parauniversitar pa i përfshirë çerdhet, Universitetin  – është një ofertë shuma e përgjithshme e të cilës është 10-12 milionë euro”.

“Diferenca mes sektorëve të tjerë dhe arsimit është shumë e madhe dhe kjo është një nga arsyet pse anëtarësia jonë e ka refuzuar këtë ofertë”.

“Nëse krahasohemi me Shqipërinë dhe Maqedoninë, paga e mësimdhënësit në Shqipëri dhe ministrit është në raport 1 me 1.2, në Kosovë është 1 me 5”.

“Paga e mësimdhënësve mund të jetë më e madhe në Kosovë por duhet t’i krahasojmë pagat brenda shtetit të Kosovës pra t’i krahasojmë me sektorët e tjerë”.

commentFirst article
Sot mund të lexoni Shfletoni kopertinat