Një deklaratë e Vuciqit nxiti një përplasje në Facebook në mes të presidentit Hashim Thaçi dhe stafit të kryeministrit Ramush Haradinaj. Komentet vazhduan gjatë gjithë ditës dhe nisën t’i ngjanin ‘dissave’ të reperëve.
E nisi rreth mesditës, Avni Arifi, shefi i stafit të kryeministrit i cili shkroi se “nëntë vitet e dialogut kanë shkuar vetëm në shërbim të interesave të Serbisë”.
Si argument për këtë e përdori deklaratën e presidentit serb Aleksandar Vuçiq.
Pak orë më vonë në profilin e presidentit Hashim Thaçi u postuan dy fjali por të pazakonta për shefin e shtetit.
Presidenti aludonte në deklaratën e kryeministrit Ramush Haradinaj i cili kur u pyet javën e kaluar rreth taksës ndaj produkteve serbe tha se bora ‘do të shkrihet një ditë’.
‘Dissin’ e radhës për presidentin Hashim Thaçi e postoi Halil Matoshi, këshilltar i kryeministrit Haradinaj.
Ai shkroi vargje të Ndre Mjedjës.
Nuk vonoi shumë përgjigja e presidentit Thaçi. Mirëpo, tani kishte tone tjera nga postimi i parë.