Kryeministri i Kosovës, Ramush Haradinaj ishte i ftuari i mbrëmjes në emisionin ‘Fakt’ në Syri ka folur edhe në lidhje me një përplasje me presidentin Hashim Thaçi.
I pyetur nga gazetari, Haradinaj është shprehur se nga ajo ditë nuk është takuar më me presidentin.
‘Kemi pasur një përplasje në shtëpinë e Behgjet Pacollit dhe që prej asaj dite nuk jam takuar më me Hashim Thaçin. Në fakt ajo përplasje ka ndodhur mes meje dhe Thaçit për çështjet e Kosovës. Nuk mund të tregoj më shumë se çka ndodhur në atë takim, të zhvilluar në shtëpinë e Behgjet Pacollit”, është shprehur Ramush Haradinaj.
Përplasja besohet se ka ndodhur më 14 nëntor të vitit të kaluar.