Njëri prej shtatë vëllezërve Geci nga Llausha e Skenderajt, Nehati, përmes një postimi në Facebook, ka shkruar për lojërat e presidentit Hashim Thaçi, kryeministrin Haradinaj dhe LDK-në.
Geci thotë se, lojërat politike të Thaçit janë për me vështirësuar jetën e qytetarëve të vendit, që sipas tij, kjo po merr përmasa të mëdha.
Ai thotë se tash le ta kupton edhe kryeministri Ramush Haradinaj se sa kanë hequr ata nga intrigat e presidentit Thaçi.
Sipas Gecit, këtë duhet me kuptua edhe LDK-ja, e cila ishte në pushtet me Thaçin, se nga pabesia e tij në stilin e gjarprit kush është duke pësuar.
Ja postimi i plotë:
Duke u bazuar në situatën politike në vendin tim, si qytetar i thjeshtë dhe opinionin e mijëra qytetarëve të tjerë, kuptohet qartë se lojnat politike të Hashim Thaçit, për me vështirësua jetën e qytetarëve të vendi po merr përmasa për ditë e më shumë.
Le ta kupton tani edhe Ramush Haradinaj se sa kemi hequr na nga intrigat e tij të paskrupulla, por edhe LDK-ja sa ishte në pushtet me ta, se nga pabesia e tij në stilin e gjarprit kush po pëson në këto lojëra politike të ndyra.
Besoj se, të gjithë pajtohen me mua se vetëm populli humb në këto raste.
