Deputetja e Lëvizjes Vetëvendosje, Albulena Haxhiu ka komentuar shkuarjen e dy bashkëkryesuesve të Ekipit negociator për bisedimet me Serbinë, Fatmir Limaj e Shpend Ahmeti në Bruksel.
Ajo përmes një postimi në Facebook ka shkruar se Limaj dhe Ahmeti ia zbutën Thaçit “vetminë e madhe për negociata të reja për shkëmbime, tash po ia forcojnë pozitën duke shkuar në udhëtime pa sens”.
Postimi i plotë:
Limaj e Ahmeti kanë udhëtuar për në Bruksel për t'u takuar me asistentët e Komisioneres Mogherini.
Ata janë duke rrënuar edhe atë pak seriozitet shtetëror që i ka mbetur shtetit tonë në arenën ndërkombëtare.
Ia zbutën Thaçit vetminë e madhe për negociata të reja për shkëmbime, tash po ia forcojnë pozitën duke shkuar në udhëtime pa sens.
Kah jeni nisur allahile?!
Mijëra qytetarë ju kundërshtojnë.
