Qytetari të cilit me dhunë i grabitën 2500 euro, i pakënaqur me vendimin e Gjykatës së Apelit
Para më shumë se tri vitesh kishte qenë viktimë e një krimi. Bastri Kryeziu, thotë se atij i ishin grabitur 2500 euro.
Sipas tij, këtë vepër e kishte kryer Vullnet Hoxhaj nga Zhuri i Prizrenit.
Kryeziu rrëfen se si ai ia mori parat në një ditë nëntori të vitit 2015.
“M’ka thirr Vullnet Hoxhaj, m’ka thanë me ja maru dy fontana, e aty n’kerr ma ka drejtu armën m’i ka marr 2500 euro, tani m’ka thirr prapë mi ka lyp 40 mijë euro ose do ta vras familjen”, ka treguar Bastri Kryeziu, i dëmtuar
Viktima, e këtij krimi thotë se ishte ndjerë i frikësuar nga kjo kërkesë e Vullnet Hoxhajt.
Ai kishte vendosur që t’ia jap 40 mijë euro që po i kërkoheshin.
Por, parat nuk kishin qenë të tij.
Ato ia kishte dhënë policia, pasi që ky e kishte denoncuar rastin tek organet e rendit.
Ndërkohë, Vullnet Hoxhaj ishte kapur në flagrancë nga polica deri sa po i merrte parat nga Bastri Kryeziu.
Më pas ai ishte gjykuar në Gjykatën Themelore të Prizrenit, për veprën penale të grabitjes.
Për këtë vepër edhe i shpallur fajtor duke u dënuar me 3 vite burgim dhe 3000 mijë euro gjobë.
Të njëjtin vendim një herë ia kishte vërtetuar edhe Gjykata e Apelit.
Por, mbrojtja e Vullnet Hoxhajt kishte vazhduar procedurën anikimore edhe në Gjykatë Supreme.
Organi më i lartë i drejtësisë kishte krhyer këtë rast në rivendosje.
E më pas Gjykata e Apelit kishte ndryshuar vendimin paraprak.
Bile të Vullnet Hoxhajt, ia ka ndërruar edhe cilësimin juridik të veprës.
‘’NDRYSHOHET aktgjykimi i Gjykatës Themelore - DKR në Prizren, P.nr.32/2017 të dt. 12.01.2018, përkitazi me cilësimin juridik dhe vendimin për dënim, ashtu që Gjykata e Apelit, veprën penale grabitje nga neni 329 par. 1 të KPK-së, për të cilën i akuzuari është shpallur fajtor, e cilëson si vepër penale detyrimi nga neni 340 par. 2 të KPKsë”
Për këtë arsye i është ulur edhe dënimi Vullnet Hoxhajt.
“Vendimi për dënim, ashtu që tani për veprën penale të ri cilësuar detyrimi nga neni 340 par. 2 të KPK-së, i shqipton dënim me burgim në kohëzgjatje prej 1 (një) vjet e 6 (gjashtë) muaj”
Pos kësaj Hoxhaj është dënuar edhe me 2000 euro gjobë.
Por, ky vendim po i duket i padrejtë të dëmtuarit Bastri Kryeziu.
Ai e konsideron ofendues dënimin prej 1 vit e gjysmë burgim.
“Kurse tash çka është tmerr i rastit, tha u dënu me 1 vit e gjysmë burgim”.
Ndërkohë, avokati mbrojtës i Kryeziut, në një përgjigje për T7 thotë se do të kërkojë që rasti të kalojë në Supreme.
‘’S’kena me u nal, kam vazhdu edhe në Supreme sepse s’ka hic mundësi me gjen detyrim, por asht grabitje. Me qenë grabitje ai i kish marr borxh.”
E televizioni 7 ka kontaktuar edhe me avokaten e Vullnet Hoxhajt.
Myrvete Qollaku, nuk ka pranuar të komentojë për rastin me arsyetimi se ende nuk e ka pranuar vendimin.
‘’Unë ende nuk e kam marr vendosjen e apelit, po sa e marr e shoh dhe thërras. Nuk e posedoj fizikisht, fillon afati për me i paraqit ankimimet si mbrotjëse”
Për këtë rast pala e dëmtuar ka kërkuar 20 mijë euro kompensim.
Ndërkohë, në fund të vitit të kaluar pati ndodhur një rast që ngriti debat të madh në publik.
Bëhet fjalë për rastin e dënimit të një 18 vjeçare të komunitetit ashkali me 7 vite burgim për shkak të përfshirjes në një grabitje të armatosur, ku kishte grabitur 430 euro.
