Kuvendi i Kosovës nesër do të mbajë seancë ku në rend të ditës do të jenë 9 pika, mes tyre edhe projektligji për buxhetin e këtij viti.
Nesër në pikën e 7-të të rendit të ditës do të jetë edhe shqyrtimi i dytë i projektligjit për ndarjen buxhetore të vitit 2019.
Ndër pikat e rendit të ditës është edhe projektligji për pagat në sektorin publike, si një nga kushtet e vëna nga nga PSD’ja.
Seanca pritet të fillojë në ora 10:00
Rendi i ditës:
1. Shqyrtimi i dytë i Projektligjit për organizimin dhe funksionimin e Administratës Shtetërore dhe të Agjencive të Pavarura,
2. Shqyrtimi i dytë i Projektligjit për zyrtarët publik,
3. Shqyrtimi i dytë i Projektligjit për pagat në sektorin publik,
4. Shqyrtimi i parë i Projektligjit për detyrat, përgjegjësitë dhe kompetencat e Delegacionit Shtetërorë të Republikës së Kosovës në procesin e dialogut me Republikën e Serbisë,
5. Shqyrtimi i parë i Projektligjit për ndryshimin dhe plotësimin e Ligjit nr.03/L-174 për financimin e subjekteve politike, të ndryshuar dhe plotësuar me Ligjin nr. 04/L-058 dhe Ligjin nr. 04/L-122 si dhe Ligjin nr. 03/L-073 për zgjedhje të përgjithshme në Republikën e Kosovës i ndryshuar dhe plotësuar me Ligjin nr. 03/L-256,
6. Propozimi për formimin e Komisionit Ad Hoc për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social,
7. Shqyrtimi i dytë i Projektligjit mbi ndarjen buxhetore për Buxhetin e Republikës së Kosovës për vitin 2019,
8. Shqyrtimi i Propozim-vendimit të Qeverisë së Republikës së Kosovës për zgjatjen e ndarjeve buxhetore për muajin shkurt të vitit 2019, të përcaktuar me Ligjin nr.06/L-20 për Buxhetin e Republikës së Kosovës për vitin 2018,
9. Shqyrtimi i Propozim-Statutit të Shoqërisë Aksionare “Trepça” Sh.A.
