Kryeministri i Kosovës, Ramush Haradinaj, ka marrë sot në mëngjes vendim dhe ka liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikallo, përcjellë "Bota sot".
Përmes një postimi në Facebook, Haradinaj i shpreh falënderim për bashkëpunim gjatë kohës sa ishte aktiv si ministër në Qeverinë e Kosovës.
Ky shkarkim erdhi pasi është një ndër kushtet e PSD-së për ta votuar buxhetin e Kosovës që do të hidhet në votim sot në Kuvendin e Kosovës.
Postimi i plotë i Haradinajt:
Sot kam marrë vendim dhe kam liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikallo.
Z. Rikallo i shprehi falënderim për bashkëpunim gjatë kohës sa ishte aktiv si ministër në Qeverinë e Kosovës.
Në proceset politike para vetes, do të respektoj angazhimin e secilit. Ministri Rikallo ishte ministër i respektuar në Qeverinë e Republikës së Kosovës.
Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdon palëkundur.
RH
