Shokon Albin Kurti: Baton Haxhiu ndërmjetës i Serbisë tek Edi Rama

Aktuale

Shokon Albin Kurti: Baton Haxhiu ndërmjetës i Serbisë tek Edi Rama

Më: 4 shkurt 2019 Në ora: 23:03
Albin Kurti dhe Baton Haxhiu. (Foto ilustrim nga "Bota sot")

Kreu i Vetëvendosjes, Albin Kurti ka shënjestruar dhe hedhur akuza ndaj gazetarit Baton Haxhiu por edhe ndaj ministrit Gent Cakaj, të cilit kryeministri i Shqipërisë, Edi Rama, i delegoi ministrinë e Jashtme.

Sipas Kurtit, Haxhiu ka lidhje me eksponentë të caktuar të Shërbimit Shtetëror të Serbisë, por nga ana tjetër ka edhe ndikim të madh në Tiranë. 

Ai e quajti Haxhiun si ndërmjetësuesin e Beogradit në Tiranë.

"Ndërmjet Thaçit dhe Vuçiçit ndërmjetësues është Baton Haxhiu, i cili dikur ishte ndërmjetësues mes Mahmut Bakallit dhe shefit të Shërbimit Informativ Shtetëror Ivica Stanishiç. Ky person ka një fuqi edhe mbi kryeministrin e Shqipërisë, e të them të drejtën nuk e di pse. Më është dukur enigmë, por kur një enigmë zgjatet shumë bëhet mister. Ky person kaq i urryer në Kosvë të ketë ndikim kaq të madh në Kosovë, që të vinte puna që nëpërmjet Kosovës të kishte ndikim Beogradi në Tiranë, këtë kurrë se kisha menduar", është shprehur Kurti në News24.

I pyetur se si e sheh vendosjen e Cakajt në krye të diplomacisë shqiptare, Kurti është përgjigjur:"Ne e kemi shpjeguar me një komunikatë qëndrimin mbi një ish-anëtarin e partisë sonë. Ai nuk është ministër as i Kosovës ai i Shqipërisë, as ministër i Edi Ramës. Ai është ministër i Baton Haxhiut. Problem nuk është Gent Cakaj, por Baton Haxhiu, për qeverisjen problem është Ivica Stanishiç pjesë e shërbimeve sekrete të Beogradit".

commentFirst article
Sot mund të lexoni Shfletoni kopertinat