(E plotësuar) - Lideri i Lëvizjes Vetëvendosje Albin Kurti i ka shkuar sërish për një vizitë në shtëpi kryetarit të Lidhjes Demokratike të Kosovës, Isa Mustafës.
Vizita e Kurtit tek Mustafa është zhvilluar mëngjesin e kësaj të marte, ndërsa media merr vesh se temë diskutimi e këtij takimi ka qenë gjendja aktuale politike në vend si dhe situata në përgjithësi e subjekteve opozitare.
Rreth vizitës së sotme të Albin Kurtit në shtëpinë e Isa Mustafës, ka konfirmuar edhe zedhënësi i LDK-së, Besian Mustafa.
***
Kryetari i Vetëvendosjes Albin Kurti, është parë duke hyrë në shtëpinë e kryetarit të LDK-së, Isa Mustafa.
Gazeta “Bota sot” mëson se dy vetura kanë arritur në shtëpinë e Isa Mustafës, e përveç Kurtit, aty ishin edhe anëtarë tjerë të Lëvizjes Vetëvendosje.
Kohëve të fundit kemi parë një bashkëveprim të LDK-së dhe Vetëvendosjes në Kuvendin e Kosovës, e gjithashtu një koalicion i mundshëm mes këtyre dy partive, nuk hidhet aspak poshtë nga deputetët e të dy palëve.
Një takim tjetër i Kurtit në shtëpinë e Isa Mustafës kishte ndodhur para pak javësh./Botasot
