Presidenti i Serbisë Aleksandar Vuçiq dhe përfaqësuesja e lartë e Bashkimit Evropianë për politikë të jashtme dhe siguri Federika Mogerini kanë biseduar sonte përmes telefonit, ku kanë shqyrtuar situatën në Ballkanin Perëndimor, posaçërisht raportet Prishtinë-Beograd, u kumtua nga zyra e informacionit të presidencës, shkruan “Danas”, transmeton “Bota Sot”.
Mësohet se Vuçiq ka theksuar se “ pengesa në dialog mund të tejkalohet vetëm kur Prishtina të heq taksat në mallrat serbe dhe të ndaloj me provokime siç është rasti i ligjit për statutin e Kombinatit metalurgjik “Trepça”, që nuk është asgjë tjetër përveç rrëmbim i pasurisë serbe”.
Ai ka nënvizuar se kjo gjendje është e paqëndrueshme dhe se masat e njëanshëm të Prishtinës dëmtojnë paqen dhe stabilitetin në regjion.
Presidenti serb ka përsëritur se Serbia do të jetë e përcaktuar të punojë në dobo të bashkëpunimit në regjion.
Ai po ashtu shtoi se Serbia është e gatshme për vazhdimin e dialogut dhe kërkimin e zgjidhjes së drejtë edhe të qëndrueshme nëse krijohen kushtet e nevojshme përfundon kumtesa.