Bekim Kafexholli, avokat i Vesel Veselit, i dyshuar për keqpërdorimin seksual të 16 vjeçares nga Drenasi, ka konfirmuar dje, se klinenti i tij sot pritet të dalë në intervistim nga Prokurori i lëndës.
Kafexholli ka thënë se deri më tani, nuk është informuar në mënyrë zyrtare asgjë sa i përket rastit. Ai ka shtuar se përveç urdhrit për arrestimit të klientit të tij (Vesel Veseli) nuk ka ende asgjë zyrtare sa i përket arsyeve pse ai është arrestuar.
Avokati i Vesel Veselit, ka thënë se është duke u informuar vetëm nga shkrimet e mediave.
“Nesër (e enjte) ai pritet me dalë para Prokurorit të lëndës”, ka thënë Kafexholli.
Insajderi, të martën ka raportuar për një abuzim seksual të një 16 vjeçare në Drenas.
Vesel Veseli, i cili mbante postin e zv.shefit të hetimeve në Policinë e Drenasit, dyshohet se e kishte abuzuar seksualisht një 16 vjeçare nga kjo komunë.
Veseli dyshohet se e ka shtyrë 16 vjeçaren që të abortojë pa dëshirën e saj.
E gjithë kjo ngjarje, ka ngjallë reagime të shumta në shoqërinë. Për të ka reaguar edhe krerët më të lartë të institucioneve të Kosovës.
