Ish deputeti i Lëvizjes Vetëvendosje, tash deputet i PSD-së, Dardan Molliqaj ka kujtuar Mon Balajn dhe Arben Xheladinin në përvjetorin e 12 të vrasjes së tyre në protestat që ndodhën atë kohë të organizuara nga VV-ja.
Molliqaj ka shkruar në Facebook se, Pushteti i vrau sepse nuk e duronte idenë që qytetarët të angazhohen vetë për fatin e tyre dhe nuk e pranonte mendimin ndryshe, përcjellë “Bota sot”.
Postimi i plotë:
Progresi, liria dhe barazia, shumë shpesh hasin në rezistencën e pushtetit të padrejtë që synim ka ruajtjen e një gjendjeje të caktuar. Moni dhe Arbeni, para 12 vitesh u angazhuan duke protestuar për progres, liri dhe barazi. Pushteti i vrau sepse nuk e duronte idenë që qytetarët të angazhohen vetë për fatin e tyre. Pushteti nuk e donte demokracinë dhe nuk pranonte mendim ndryshe.
Sot e asaj dite askush nuk është dënuar për vrasjen e Monit dhe Arbenit.
10 Shkurti, do të na e përkujtojë gjithmonë që Kosova sikur që ka pasur regjime jo-demokratike dhe autoritare, po ashtu ka pasur qytetari aktive që i ka përballuar këto regjime.