Deputeti i Lëvizjes Vetëvendosje Xhelal Sveçla, ka komentuar letrën e zyrtarëve të Shteteve të Bashkuara të Amerikës, drejtuar Qeverisë së Kosovës, për taksën ndaj produkteve serbe.
Sveçla, në një postim në Facebook, ka thënë se SHBA-të kësaj radhe e kanë seriozisht, përcjell Bota sot.
Sipas tij, SHBA-të po testojnë shtetin dhe qeverinë e Kosovës, se a janë përnjëmend kundër Serbisë, apo ata kot kanë intervenuar para 20 vjetësh.
Postimi i plotë i Sveçlës:
ShBA-të kësaj radhe e kanë seriozisht. Ato seriozisht janë duke e testuar shtetin dhe qeverinë e Kosovës, se a janë përnjëmend kundër Serbisë, apo ata kot kanë intervenuar para 20 vjetësh!
Si mund të na llogarisin për aleatë e partnerë në shekullin 21 nëse tërhiqemi nga një taksë e butë kundrejt një shteti kriminal e antishqiptar si Serbia?!
Nuk mund të bëhesh partner i ShBA-ve nëse as 5% s'i përngjan Izraelit./BS
