Letra e fundit që Shtetet e Bashkuara të Amerikës i kanë dërguar institucioneve të Kosovës, për pezullimin e taksës, po llogaritet si çarja e parë mes raporteve Kosovë – SHBA.
E gjithë kjo, për shkak të këmbëngulës së kryeministrit Ramush Haradinaj, për të mos hequr taksën ndaj produkteve të Serbisë e Bosnjës.
Por, për të dalë nga kjo krizë, eksperti i sigurisë nga “East Bridge Academy” Drizan Shala, ka dhënë një propozim për të cilën tregon veprimet që duhet ndërmerren nga Qeveria e Kosovës, për ta mbyllur debatin e taksës.
Përmes një shkrimi në Facebook, Shala konsideron se Agjencia e Ushqimit, duhet të kërkojë që në ligjin për import që futet një nen, për cilësinë e produkteve…
“Propozim Qeverisë. Nën autoritetin e saj e ka Agjencionin e Ushqimit të Kosovës (AUK) dhe kjo e fundit mundet me kërkuar që në ligjin për import të futet një nen për cilësinë e produktit. Dhe kështu taksa për ato produktet që nuk kalojnë verifikimin t’ju vendoset taksa 100%”.
“Me këtë veprim do kishte me u përmbyll debati i taksës dhe në arenën ndërkombëtare me arsyetimin që vendi i origjinës të produktit nuk është duke plotësuar kriteret për t’ju liruar nga taksa 100% në taksen normale që ka në RKS-së”, ka shkruar Shala.
