AAC kërkon ndërprerjen e grevës të Kontrollorëve të Trafikut Ajror - Bota Sot
AAC kërkon ndërprerjen e grevës të Kontrollorëve të Trafikut Ajror

Aktuale

AAC kërkon ndërprerjen e grevës të Kontrollorëve të Trafikut Ajror

Më: 14 shkurt 2019 Në ora: 14:46
Ilustrim

Autoriteti i Aviacionit Civil i Kosovës përmes një komunikate për media ju bën thirrje kontrollorëve të trafikut ajror që të ndërprenë e grevën duke pasur parasysh pasojat e mëdha për publikun që udhëton dhe humbjet tjera direkte e indirekte që mund të shkaktohen.

“Përderisa bashkë ndjejmë shqetësimin e udhëtarëve të prekur nga greva, informojmë opinionin se kompanitë ajrore janë njoftuar me kohë mbi grevën dhe orarin në mënyrë që ato të kenë mundësinë e organizimit të tyre pa e cenuar sigurinë në asnjë mënyrë”, thuhet ndër te tjerash në komunikatë.

AAC-ja gjithashtu shpreh keqardhje që kontrollorët e trafikut ajror në Agjencinë e Shërbimeve të Navigacionit Ajror  kanë vendosur të vazhdojnë grevën me siç thonë, gjithë dedikimin tonë dhe të Ministrisë së Infrastrukturës dhe Transportit për trajtimin e tyre sipas rëndësisë së kontrollorëve të trafikut ajror, mungesës së tyre në tregun e punës dhe specifikat e punës që argumentojnë një trajtim ndryshe nga shërbyesit tjerë civilë.

“AAC-ja shpreson që palët të arrijnë një konsensus sa më të shpejtë në mënyrë që operimet ajrore të bëhen sipas orarit të planifikuar dhe të mos dëmtohen edhe më tej udhëtarët dhe funksionimi normal i ANP “Adem Jashari””, theksohet në komunikatë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...