(E plotësuar) - Presidenti i Kosovës, Hashim Thaçi u ka bërë thirrje spektrit politik, shoqërisë civile dhe mediave, që të bashkon për të shfrytëzuar momentumin e tanishëm politik, për të arritur një marrëveshje e përhershme dhe të garantuar me Serbinë.
Presidenti i Kosovës, Hashim Thaçi u ka bërë thirrje spektrit politik, shoqërisë civile dhe mediave, që të bashkon për të shfrytëzuar momentumin e tanishëm politik, për të arritur një marrëveshje e përhershme dhe të garantuar me Serbinë.
Presidentin e Kosovës e ka gëzuar letra që presidenti Trump i ka dërguar presidentit të Serbisë, ku i kërkon njohjen reciproke mes Kosovës dhe Serbisë.
Këto deklarata Thaçi i bëri në Myhin, ku po merr pjesë në Konferencën e Sigurisë, ku ka takuar personalitete të shuma të Bashkimit Evropian, SHBA-ve dhe vendeve tjera.
Duke folur për arritjen e marrëveshjes mes Maqedonisë dhe Greqisë, Thaçi tha se tani rajoni ka një problem më pak dhe një sukses më të madh.
Thaçi: Synimi jonë si Kosovë, është që të jemi pjesë ë NATO-s sa më shpejt
“Tani pas suksesit mes Maqedonisë dhe Greqisë, rajoni ka një problem më pak dhe një sukses më të madh, por edhe të zgjerimit të NATO-s. Prandaj, synimi jonë si Kosovë, është që të jemi pjesë e NATO-s sa më shpejt, por edhe e Bashkimit Evropian. Mund të them se është një fokus i veçantë për Kosovën dhe mendoj se ky fokus duhet të ruhet, duke prodhuar ne si shtet elemente dhe argumente pozitive, se Kosova po e shënon 11 vjetorin e pavarësisë, me sukses, me progres, me një storie të angazhimeve të përbashkëta, edhe lokale, por edhe të bashkësisë ndërkombëtare, para se gjithash të SHBA-së, BE-së, por edhe të NATO-s”, tha presidenti Thaçi.
Ai po ashtu ka folur edhe për taksën, duke pohuar se kjo çështje është diskutuar në të gjitha takimet që ka pasur sot.
Thaçi: Ishte sugjerim i të gjithëve pezullimi i taksës
“Ka qenë pjesë e bisedës me komisonerin Hahn, natyrisht edhe me të gjithë të tjerët, sepse është një fokus sa i përket kësaj çështje, sepse askush nuk është mësuar me Kosovën në 20 vite, që të mos e dëgjojë këshillën e Shteteve të Bashkuara të Amerikës, kur e kemi popullatën më pro amerikane dhe të kemi një çasje të politikave mosdëgjuese dhe jolojale ndaj Shteteve të Bashkuara të Amerikës. Kështu që ishte sugjerim i të gjithëve, edhe i komisonerit Hahn, i cili pritet të merr një orl dialogues, për pezullimin e përkohshëm dhe hapjen e mundësisë së dialogut”, tha ai dhe shtoi se është e pakuptueshme dhe kushtëzimi i Serbisë me heqjen e taksës në raport me dialogun.
Thaçi u ka bërë thirrje spektrit politik, shoqërisë civile dhe mediave, që të bashkon për të shfrytëzuar momentumin e tanishëm politik, për të arritur një marrëveshje e përhershme dhe të garantuar.
Thaçi: SHBA ka një angazhim të theksuar
“Është një momentum, që ta ruajmë këtë fokus të Shteteve të Bashkuara të Amerikës, veçanërisht të Presidentit Trum, që të arrihet marrëveshja Kosovë – Serbi, për njohje reciproke. Gjithashtu edhe më inkurajues është mesazhi që presidenti Turmp i dërgon në letrën e fundit presidentit të Serbisë, Vuçiq, për domosdoshmërinë e njohjes reciproke. Pra Shtëpia e Bardhë, Shtete e Bashkuara të Amerikës, kanë në angazhim të theksuar, të drejtpërdrejt dhe të vendosur në përmbylljen njëherë e përgjithmonë të konfliktit të përhershëm Kosovë-Serbi”, tha presidenti.
I pari i Kosovës tha se pret arritjen e një marrëveshje të qëndrueshme mes Kosovës dhe Serbisë, që do të jetë sa më cilësore dhe që garanton një paqe të përhershme.
***
Presidenti i Kosovës, Hashim Thaçi nga Mynihu ku po merr pjesë në Konferencën e Sigurisë, ka thënë se në takimet që i ka zhvilluar është kërkuar pezullimi i taksës
Thaçi ka thënë se pret hapa konkretë dhe pozitivë, për vazhdimin e dialogut sa më shpejt që është e mundur.
“Ka qenë temë takimi edhe taksa. Ishte sygjerim i të gjithëve për pezullimin e përkohshëm. Është e pakuptueshme edhe kushtëzimi i dialogut në raport me Kosovën, prandaj pres hapa konkretë dhe pozitivë”, ka thënë Thaçi.
Presidenti i vendit ka thënë se letra e Trumpit për Kosovën dhe Serbinë, janë inkurajuese për marrëveshjen finale.
Thaçi ka thënë se Shtëpia e Bardhë ka angazhim të theksuar, për përmbylljen e konfliktit Kosovë-Serbi.
“Është më inkurajues mesazhi që Trump i dërgon Vuçiqit, për domosdoshmërinë e njohjes reciproke. Shtëpia e Bardhë ka një angazhim të theksuar, të vendosur në përmbylljen e konlfiktit ndërmjet Kosovës dhe Serbisë”, përfundoi Thaçi.
Ndryshe, edhe kryeministri i vendit, Ramush Haradinaj, ka thënë se është i interesuar për një marrëveshje finale Kosovë-Serbi.
Thaçi flet pas konferencës së sigurisë në Mynih
Presidenti i Kosovës, Hashim Thaçi po flet pas nisur konferenca e sigurisë në Mynih të Gjermanisë, ku kanë marrinë pjesë edhe përfaqësues të institucioneve të Kosovës.