Beqaj: Thaçi sakrifikoi shokët për të shpëtuar veten, tash dëshiron shpëtim duke sakrifikuar integritetin territorial të Kosovës

Aktuale

Beqaj: Thaçi sakrifikoi shokët për të shpëtuar veten, tash dëshiron shpëtim duke sakrifikuar integritetin territorial të Kosovës

Më: 19 shkurt 2019 Në ora: 20:45
Behlul Beqaj

Njohësi i zhvillimeve politike në vend, Behlul Beqaj, ka thënë se presidenti Hashim Thaçi sakrifikoi shokët për të shpëtuar veten nga Gjykata Speciale.

Beqaj, në emisionin “Dossier D” në RTV Dukagjini, ka thënë se nuk është e rastësishme që nga viti 2011 Hashim Thaçi është në krye të bisedimeve me Serbinë.

“Hashim Thaçi ka sakrifikuar shumë njerëz të afërm të tij për të shpëtuar veten. Fatkeqësisht ai po dëshiron të shpëtojë veten duke sakrifikuar integritetin territorial të Kosovës. Ky është profili i vërtetë i Presidentit Hashim Thaçi”, tha Beqaj.

Njohësi i zhvillimeve politike ka thënë se Hashim Thaçi pasi ka dështuar për të formuar një komision për pajtimin mes Kosovës dhe Serbisë, ka hedhur idenë për ndarje të Kosovës që pëlqehet edhe nga Serbia.

“Thaçi po kërkon të shpëtojë veten e tij përmes një ideje që përqafohet nga koha e Garshaninit dhe Çubriloviqit dhe përfundon me Vuçiqin”, tha ai.

Beqaj ka thënë se me ndarjen e Kosovës realizohen synimet e kamotshme të Serbisë dhe Rusisë.

“Është edhe më e rrezikshme se ky proces do të ketë edhe efekte propagandistike… Miqtë e Serbisë do të na akuzojnë se ne po insistojmë në bashkim kombëtar e ata në fakt po e realizojnë synimin e tyre me “Serbinë e Madhe””, deklaroi ndër të tjera Behlul Beqaj.

commentFirst article
Sot mund të lexoni Shfletoni kopertinat