E pranon zëvendëskryeministri: Pavarësisht taksës, mallrat serbe hyjnë në Kosovë përmes tregut të zi

Aktuale

E pranon zëvendëskryeministri: Pavarësisht taksës, mallrat serbe hyjnë në Kosovë përmes tregut të zi

Më: 20 shkurt 2019 Në ora: 09:55
Foto ilustrim

Zëvendëskryeministri serb, Rasim Ljajiq ka zbuluar mënyrën se si përkundër taksës, mallrat serbe prapë hyjnë në Kosovë.

Ljajiq ka thënë se mallra serbe ka anembanë Kosovës dhe se atje mbërrin nëpërmjet rrugëve alternative.

Duke theksuar se zyrtarët serbë menjëherë pas vendimit për taksë ndaj mallrave serbe në Kosovë kanë paralajmëruar për tregun e zi, Ljajiq për “Radiotelevizionin e Serbisë” ka thënë se në dyqanet serbe në veri të Kosovës shihet se ka mallra të mjaftueshme serbe, që atje mbërrin nëpërmjet kanaleve të ndryshme.

“Një pjesë e mallrave shkon në Kroaci pastaj nga atje mbërrin të shitet në Kosovë. Po ashtu, për shembull ka mallra që përfundojnë në Maqedoni pastaj arrijnë të depërtojnë në Kosovë”, u shpreh ai.

Ljajiq ka thënë se në tre muajt e deritashëm pas vendimit për taksë priten humbje prej rreth 90 milionë euro vlerë e mallrave, për dallim nga priudha e njëjtë e vitit të kaluar.

commentFirst article
Sot mund të lexoni Shfletoni kopertinat