Zëvendësministri i Mbrojtjes, Burim Ramadani, përmes rrjetit social Facebook, duke kujtuar gjenocidin e Srebrenicës, ka thënë se mbi 1 milion shqiptarë u dëbuan me dhunë, nën organizim shtetëror të Serbisë, me trena sikur në kohën e Holokaustit, përcjell Ballkani.info
Në vazhdim ju sjellim postimin e plotë:
Serbia mbetet e njëjtë, mohuese e spastrimit etnik ndaj shqiptarëve
I tërë narracioni i saj është kthyer në ankesa manipuluese dhe të paskrupullta, që kanë për qëllim të fshehin të vërtetën se e ka sunduar egërsisht Kosovën dhe që ka tentuar gjenocid ndaj popullit të saj.
Vuçiq, ky mohues i gjenocidit në Srebrenicë, mohoi edhe spastrimin etnik që i bënë popullit të Kosovës, duke thënë se gjoja vetëm 150 mijë shqiptarë u dëbuan nga shtëpitë e tyre.
E vërteta e padiskutueshme është se mbi 1 milion shqiptarë u dëbuan me dhunë, nën organizim shtetëror të Serbisë, me trena sikur në kohën e Holokaustit.
Kurrë më!
Kurrë Serbia në Kosovë dhe as mbi Kosovë!
