Lista Serbe përmes një kumtese për media ka ftuar përfaqësuesit e institucioneve lokale edhe ndërkombëtare në Kosovë që në mënyrë urgjente të mbrojnë serbët, posaçërisht në Kosovë dhe të arrestojnë kryesit e vjedhjeve në fshatin Vidanje, ku natën e kaluar është plaçkitur familja Vuliçeviq, shkruan “Danas”, transmeton “Bota Sot”.
“Sulmet e këtilla duhet të përballen me dënimin e ashpër të gjithë zyrtarëve, me çka qartë do të dëshmohej dëshira për bashkëjetesë dhe paqe mes popujve”, thuhet në kumtesën e Listës Serbe.
Kjo listë ka vlerësuar se ngritja e tensioneve dhe nervoza e zyrtarëve të Prishtinës ka nxitur mos durimin etnik në Kosovë, që si rezultat gjithnjë e më shpesh sulmohen serbët dhe pasuria e tyre.
Nga familja Vuliçeviq në fshatin Vidanje te Klina janë vjedhur dy bagëti, një automjet dhe një mëshqerrë, ka njoftuar më herët Zyra e Qeverisë për Kosovë.
Vuliçeviq janë familje 12 anëtarësh, ndërsa edhe më herët kanë qenë viktimë e vjedhjeve në vitin 2006 kur iu patën vjedh dy qenë.