Ish politikani, aktualisht profesor në Universitetin e Prishtinës, Milazim Krasniqi, thotë se nëse Qeveria Haradinaj reziston dhe nëse dialogu bllokohet, deri sa të ndodhin ndryshime në Bruksel e eventualisht edhe në Uashington, kjo do të shndërrohej në fitore të pakthyeshme të Kosovës.
Si?
1. Kosova do të dilte nga tutela neokolonialiste ku e mbajnë SHBA dhe Brukseli, tash njëzet vjet.
2. Kosova do të eliminonte nga skena e vet politikanët që nuk e durojnë presionin e të huajve.
3. Kosova do të dëshmonte se i mbijeton presionet e Serbisë.
4. Kosova do ta sfidonte edhe lidershipin e Tiranës, së paku këtë që shohim në versionin e një lideri kundërthënës e aventurier siç është Edi Rama, shkruan në fund Krasniqi.
Kur ka folur për eliminimin nga skena të politikanëve që nuk e durojnë presionin e të huajve, sigurisht ka menduar në liderin e PDK-së, Kadri Veselin, i cili u tërhoq për taksën pas presionit ndërkombëtar, specifikisht atij amerikan.