Limaj: Zbardhja e rastit të vëllezërve Bytyqi mbetet prioritet

Aktuale

Limaj: Zbardhja e rastit të vëllezërve Bytyqi mbetet prioritet

Më: 27 shkurt 2019 Në ora: 19:16
Fatmir Limaj dhe Ilir Bytyqi

Zëvendëskryeministri i Kosovës dhe kryetari i Nismës Socialdemokrate, Fatmir Limaj ka pritur sot Ilir Bytyqin, vëllain e dëshmorëve Ylli, Agron dhe Mehmet Bytyqit, të vrarë nga forcat serbe.

“Zbardhja e rastit të vëllezërve Bytyqi mbetet prioritet dhe në këtë drejtim e sigurova Ilirin se institucionet e Kosovës do të bëjnë gjithçka që është e mundur, në mënyre që kryerësit e këtij krimi të dalin para drejtësisë dhe ta marrin dënimin e merituar”, ka theksuar Limaj.

Postimi i Limajt në Facebook:

Kënaqësi e veçantë ta prisja në takim Ilir Bytyqin, vëllain e bashkëluftetarëve të mi, dëshmorëve Yllit, Agronit dhe Mehmet Bytyqit, të vrarë nga forcat serbe. Ylli, Agroni dhe Mehmet Bytyqi lanë SHBA-në për t’iu përgjigjur zërit të atdheut. Zbardhja e rastit të vëllezërve Bytyqi mbetet prioritet dhe në këtë drejtim e sigurova Ilirin se institucionet e Kosovës do të bëjnë gjithçka që është e mundur, në mënyre që kryerësit e këtij krimi të dalin para drejtësisë dhe ta marrin dënimin e merituar. FL.

commentFirst article
Sot mund të lexoni Shfletoni kopertinat