Ministri i Brendshëm serb, Nebojsha Stefanoviq i dërgoi një letër sekretarit të presidentit të përgjithshëm të INTERPOL-it, të cilit i kërkoi që kjo organizatë të mos e shqyrtojë kërkesën e Kosovës për anëtarësim.
Stefanoviq tha në një letër se asnjë ndryshim i rëndësishëm nuk ka ndodhur në Asamblenë e Përgjithshme të INTERPOL-it në Dubai në 2018, gjë që do të çonte në ndryshim vendimin e atëhershëm për Kosovën.
“Në të vërtetë, ndryshimi i vetëm është pikërisht në favor të pikëpamjeve të Serbisë ndaj kësaj kërkese dhe numri i shteteve që kanë tërhequr njohjen e Kosovës po rritet”, tha Stefanoviq.
Në letrën e tij, ai përsëriti argumentet e Serbisë se thjesht shqyrtimi i kësaj kërkese është një shkelje e rëndë e së drejtës ndërkombëtare si dhe aktet më të larta të vet INTERPOL-it.
“Rivendosja e agjendës së kësaj kërkese do të politizonte në mënyrë drastike punën e kësaj organizate policore profesionale dhe është në kontrast të thellë me Kushtetutën e INTERPOL-it”, tha Stefanoviq në një letër.
Stefanoviq duke tentuar të interpretoj kushtetutën e INTERPOL-it tha se: “është rreptësisht e ndaluar që organizata të ndërmarrë çfarëdo lloj ndërhyrjeje ose veprimtarie të një natyre politike, ushtarake, fetare ose racore”.
“Shqyrtimi i kërkesës për anëtarësim të Kosovës sigurisht do të çonte në interpolimin e INTERPOL-it në aktivitete të një natyre politike, por edhe në instrumentalizimin e saj për qëllime politike. Një nga seritë e konfirmimeve të qarta të pikëpamjes sonë ndaj kësaj kërkese është natyrisht, refuzimi i aplikimit për anëtarësim të Kosovës në INTERPOL”, përfundoi Stefanoviq.
Stefanoviq dërgoi letra edhe tek të gjithë anëtarët e Komitetit Ekzekutiv, veçmas, me një kërkesë për të votuar kundër Kosovës në mbledhjen e ardhshme.
Vlen të theksohet fakti se së fundi Kosova ka aplikuar përsëri për anëtarësim në INTERPOL.
