Ish-mjeku i UÇK-së, Liri Loshi, i cili ka qenë si dëshmitarë në Hagë, për masakrën në Izbicë, kundër kriminelit Millosheviq, përmes një postimi në Facebook, ka demantuar presidentin Thaçi, pasi tha se asnjë milimetër e territorit të Kosovës nuk do të cenohet. Lugina e Preshevës i bashkëngjitet Kosovës.
Sipas Loshit, kjo nuk ka mundësi të ndodh. Ai konsideron se është vetëm një mundësi, “që Kosova ta dorëzojë sovranitetin dhe të bëhet provincë serbe”.
Ja postimi i Loshit:
“Ndarje të Kosovës nuk ka. Këmbim territoresh jo. Ujmani dhe Trepça nuk do të cenohen. Asnjë milimetër e territorit të Kosovës nuk do të cenohet. Lugina e Preshevës i bashkëngjitet Kosovës.”
Kjo nuk ka mundësi të ndodh. Në fakt, është vetëm një mundësi: që Kosova ta dorëzojë sovranitetin dhe të bëhet provincë serbe! Atëherë Serbia mund të pranojë që “Krahinës së Kosovës dhe Metohisë” t’i shtohet edhe Lugina e Preshevës.