Kryeministri i vendit, Ramush Haradinaj është takuar sot në Lezhë me presidentin shqiptar, Ilir Meta.
Të dy këtë e kanë bërë të ditur përmes postimeve në Facebook.
E përderisa Haradinaj ka shkruar se me Metën kanë biseduar për temat me interes kombëtar, presidenti shqiptar ka thënë për takimin se bashkimi i energjive pozitive ndihmon proceset integruese, një gjuhë që shpesh Meta në mënyrë diplomatike përdor për të adresuar çështje të rëndësishme, siç është ajo e kundërshtisë për shkëmbim të territoreve të Kosovës e Serbisë.
Ky është postimi i Metës në Facebook:
Kënaqësi të takohesha sot në Lezhë me Kryeministrin e shtetit të Kosovës, z.Ramush Haradinaj. Bashkimi i energjive më të mira pozitive ndihmon proceset stabilizuese e integruese në interes të përforcimit të perspektivës europiane të përbashkët.
