Pacolli: Kosova dhe Kolumbia do të shkëmbejnë ambasadorët

Aktuale

Pacolli: Kosova dhe Kolumbia do të shkëmbejnë ambasadorët

Më: 3 mars 2019 Në ora: 07:32
Behgjet Pacolli

Zëvendëskryeministri dhe ministri i Punëve të Jashtme i Republikës së Kosovës, Behgjet Pacolli, e ka mirëpritur një letër të pranuar nga homologu i tij nga Republika e Kolumbias, Carlos Holmes Trujillo Garcia, nëpërmjet së cilës ai njoftohet mbi dekretin për vendosjen e marrëdhënieve diplomatike në mes dy shteteve, veprim ky që mundëson komunikimin e përhershëm të nivelit më të lartë në mes dy vendeve me shkëmbimin edhe të ambasadorëve.

Kjo letër pason pas një takimi që kryediplomati kosovar, Pacolli kishte zhvilluar me ministrin e jashtëm të Kolumbias, Carlos Holmes Trujillo Garcia, në pjesën e parë të muajit shkurt në Uashington D.C.

“Pas takimit me ministrin e jashtëm të Kolumbisë, Carlos Holmes Trujillo Garcia, muajin e kaluar, Kosova dhe Kolumbia kanë vendosur marrëdhënie diplomatike nëpërmjet shkëmbimit të Ambasadorëve. Kosova do të hapë Ambasadën e saj me qëndrim në Bogota dhe Kolumbia do të emërojë Ambasador jo-rezident nga Italia.”, ka thënë Pacolli.

Nëpërmjet hapjes së Ambasadës rezidente në Bogota, Republika e Kosovës synon mbulimin dhe përfaqësimin jo-rezident diplomatik edhe në shtete të tjera në atë kontinent.

commentFirst article
Sot mund të lexoni Shfletoni kopertinat