Pyetja e drejtoreshës së informacionit në Ora News, Beti Njuma, për një sondazh të gazetarit Berat Buzhala për besueshmërinë që kanë ndaj presidentit Hashim Thaçi nuk i pëlqeu këtij të fundit, e presidenti i Kosovës në atë moment ndërpreu intervistën e cila ishte aranzhuar ditë më parë.
Kjo ndodhi në momentin kur presidenti do të pyetej për rezultatin e sondazhit që ka bërë Berat Buzhala se "Cilit i besoni më shumë që punon për interesin e Kosovës, Ramush Haradinaj apo Hashim Thaçi"
Sondazhi i publikuar në rrjetet sociale tregonte se 82% ishin pro kryeministrit Haradinaj dhe vetëm 18 % pro Thaçit.
Beti Njuma donte ta pyeste "Përse ishte ky perceptim i publikut?"
Mësohet se në këtë moment presidenti i Kosovës, Hashim Thaçi, ka ndërprerë intervistën dhe është larguar.
Intervista mes drejtores së informacionit të RTV Ora News dhe presidentit Hashim Thaçi ishte e programuar ditë më parë.