Sipas këtij këshilli, Shërbimi Korrektues është shumë i rëndësishëm dhe përkundër sfidave dhe problemeve objektive është mbajtur në këmbë falë ndihmës së madhe që përmes monitorimit, problemeve të identifikuara dhe rekomandimeve që kanë dhënë organizatat monitoruese, thuhet në komunikatë.
Organizatat monitoruese, KMDLNj, QKMRT dhe IAP e kanë fituar besimin te personat e privuar nga liria sikur edhe te institucionet korrektuese dhe mbajtëse e që është kusht themelor për ndryshime pozitive.
KMDLNJ ka përmendur disa shkaqe se pse Shërbimi Korrektues nuk ka arritur të stabilizohet në mesin e të cilave ka renditur ndërhyrjet politike, mungesën e stafit korrektues dhe trajtimin jo të mirë të këtij stafi, mungesa e një adrese të përgjegjësisë dhe mungesa e bashkëpunimit si dhe trajtimi , puna , risocializimi dhe motivi.
