Kryetari i Kuvendit të Kosovës, njëherësh lider i koalicionit qeveritar ka thënë sot se çdo Qeveri që rrezikon raportet me SHBA dhe bazën e Bondsteel mund të bie.
Këtë deklaratë Veseli e tha pas hapjes së qendrës së inovacionit dhe ndërmarrësisë në Mitrovicë, ku ka thënë se Serbisë do t’i përgjigjen ashtu si e meriton, me tarifë dhe me reciprocitet.
Ai ka porositur se askush nuk duhet ta marrë këtë pjesë si “sherr të vetvetes”, teksa ka shtuar se disa e kanë tepruar disa duke e marrë si individuale çështjen e mbrojtjes së vendit. Sipas tij, askush nuk mund ta mbrojë vendin i vetëm.
Veseli: Tana Qeveritë munden me ecë për që shkon Bondsteel-i
“Tana Qeveritë munen me ecë për atë punë, për që shkon Bondsteel-i. Kështu, po ua them me fjalë, unë jam tërhjek prej këtij debati, por po më vjen edhe turp për faktin se si po e trajtojnë qytetarin tonë. Sovraniteti dhe integriteti mbrohet nga qytetarët e vendit dhe nga institucionet e Republikës të Kosovës. Për atë punë, çdo qeveri ecë”, tha ai.
Dialogu mes Kosovës dhe Serbisë është ndërprerë për shkak se autoritetet serbe kanë refuzuar vazhdimin e bisedimeve pa heqjen e taksës prej 100 përqind që Qeveria e Kosovës ka vendosur për produktet nga Serbia dhe Bosnja. Shtetet e Bashkuara kanë përsëritur disa herë se mospezullimi taksës së vënë në importet e Serbisë dhe Bosnjës përbën qëndrim kundër interesave të SHBA-së.
