Kryeministri i Italisë: Prishtina të heq taksën në mënyrë që të vazhdohet dialogu - Bota Sot
Kryeministri i Italisë: Prishtina të heq taksën në mënyrë që të vazhdohet dialogu

Aktuale

Kryeministri i Italisë: Prishtina të heq taksën në mënyrë që të vazhdohet dialogu

Më: 6 mars 2019 Në ora: 14:59
Giuseppe Conte

Kryeministri i Italisë, Giuseppe Conte, ka thënë se Prishtina duhet të pezullojë vendimin për taksën dhe të lejojë fillimin e dialogut me Beogradin në Bruksel.

Sipas tij masat e marra nga Prishtina, nuk dërgojnë askund, duke theksuar se dialogu është rruga e vetme e dy shteteve drejt Bashkimit Evropian.

Ai ndër të tjera ka lavdëruar Serbinë për reagimet që ka bërë, edhe përkundër masave të vendosura nga Prishtina.

“Unë e përsëris, sipas mendimit tim, vendimet e një anshme të marra nga Prishtina nuk dërgojnë askund. Mendoj se e vetmja mënyrë për të shpejtuar rrugën drejt dialogut është që të gjitha palët të tregohen të mençur”, ka thënë Conte në një konferencë të përbashkët për media me presidentin e Serbisë.

Kërkesa për pezullimin e taksës tash e sa kohë Kosovës i vijnë nga Bashkimi Evropian dhe Shtetet e Bashkuara të Amerikës.

Megjithatë kryeministri i Kosovës, Ramush Haradinaj, është i vendosur që taksa nuk do të hiqet, pa një marrëveshje ku Serbia njeh pavarësinë e Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...