(E plotësuar) - Me kërkesë të kryeministrit nesër në orën 9:00 do të mbahet seancë e jashtëzakonshme për shqyrtimin e dytë të Projektligjit për detyrat, përgjegjësitë dhe kompetencat e Delegacionit Shtetëror të Republikës së Kosovës në procesin e dialogut me Republikën e Serbisë.
Po ashtu në këtë seancë do të votohet edhe Platforma për finalizimin e dialogut ndërmjet Republikës së Kosovës dhe Republikës së Serbisë, për normalizimin e marrëdhënieve në mes dy vendeve
Kështu është marrë vendim sot në Kryesinë e Kuvendit. Kryetari i Kuvendit Kadri Veseli pas mbledhjes së Kryesisë tha se nesër pas seancës së jashtëzakonshme do të mbahet edhe një seancë e rregullt prej orës 10:00.
Veseli: Nesër në orën 9:00 seancë për Platformën
“Kryeministri ka kërkuar seancë të jashtëzakonshme për Platformën e delegacionit për detyrat dhe përgjegjësitë e delegacionit. Në orën 9:00, pastaj në orën 10:00 e kemi seancën e rregullt. Kështu e ka kërkuar kryeministri, është me Kushtetutë dhe rregullore, pra është e drejtë e rezervuar e kryeministrit, e presidentit dhe 40 deputetëve me kërkuar për orën dhe seancën e jashtëzakonshme, kur të donë”, deklaroi Veseli.
Ndryshe, Platforma për finalizimin e dialogut ndërmjet Republikës së Kosovës dhe Republikës së Serbisë është hartuar nga Ekipi Negociator për Kosovën.
***
Seanca e jashtëzakonshme ku do të diskutohet ligji dhe platforma për dialogun do të mbahet nesër.
Kështu vendosi sot Kryesia e Kuvendit e cila ka vendosur që kjo seancë që është bërë me kërkesë të kryeministrit Ramush Haradinaj të fillojë në orën nëntë.
Kryetari i Kuvendit të Kosovës Kadri Veseli pas mbledhjes së Kryesisë po ashtu tha se po nesër duke filluar nga ora 10:00 do të mbahet seancë të rregullt.
***
Kryesia e Kuvendit mban mbledhje ku pritet që të caktohet seanca e jashtëzakonshme.
Seanca është kërkuar me kërkesë të kryeministrit Ramush Haradinaj.
Shqyrtimi i dytë i Projektligjit nr. 06/L-145 për detyrat, përgjegjësitë dhe kompetencat e Delegaconit Shtetëror të Republikës së Kosovës në procesin e dialogut me Republikën e Serbisë;
Platforma për finalizimin e dialogut ndërmjet Republikës së Kosovës dhe Republikës së Serbisë, për normalizimin e marrëdhënieve në mes dy vendeve.