“Ku ishin 50 mijë "veteran" kur u rrethua Prekazi me 5, 6 dhe 7 Mars 1998?”, kështu pyet ish-deputeti i Kosovës, kryetari i Partisë Fjala, Gëzim Kelmendi.
Kelmendi përmes një postimi në Facebook, thotë se, a mos ishin “veteranët e famshëm” duke e rrethuar Beogradin, si kundërpërgjigje ndaj forcave policore serbe që e masakruan familjen Jashari?
Kelmendi thotë si nuk ju vjen turp “50 mijë mashtruesve” që po e vjedhin buxhetin e Kosovës.
“Edhe këta 50 mijë mashtrues edhe ata komandantë që iu nënshkruan çertifikatën e veteranit këtyre 50 mijë mashtruesve, le ta dijnë se po e vjedhin popullin dhe shtetin e Kosovës.
La ta dijnë se po shkelin mbi gjakun e dëshmorëve.
Të gjithë e dijmë arsyen pse sot janë të regjistruar dhe pse marrin pensionet rreth 60 mijë veteran”, shkruan Kelmendi, transmeton gazeta “Bota sot”.
Ja postimi i plotë:
Ku ishin 50 mijë "veteran" kur u rrethua Prekazi me 5, 6 dhe 7 Mars 1998?
Ku ishin 50 mijë "veteranët e famshëm" kur u rrethua Prekazi me 5, 6 dhe 7 Mars 1998?
A mos vallë ishin duke e rrethuar Beogradin si kundërpërgjigje ndaj forcave policore serbe që masakruan familjen Jashari?
Si nuk iu vjen turp këtyre 50 mijë mashtruesve që vjedhin buxhetin e Kosovës.
Edhe këta 50 mijë mashtrues edhe ata komandantë që iu nënshkruan çertifikatën e veteranit këtyre 50 mijë mashtruesve, le ta dijnë se po e vjedhin popullin dhe shtetin e Kosovës.
La ta dijnë se po shkelin mbi gjakun e dëshmorëve.
Të gjithë e dijmë arsyen pse sot janë të regjistruar dhe pse marrin pensionet rreth 60 mijë veteran.
Kjo me qëllim që këta së bashku me familjet e tyre të bëhen votues besnik të partive politike të atyre komandantëve që iu dhanë çertifikatën e veteranit.
Kështu që rreth 200 mijë vota i kanë siguruar partitë e atyre komandantëve që lëshuan çertifikata për veteranët e rrejshëm.
Respektet më të thella dhe uratat më të mira për 12-13 mijë veteranët e vërtetë të UÇK-së.
ZOTI i ruajt bijtë dhe bijat më të mirë të vendit tonë që u bashkuan nën flamurin e UÇK-së të ngritur nga Komandanti Legjendar Adem Jashari.
ZOTI i mëshiroftë dhe me Xhennet i nderoftë dëshmorët e vendit tonë.
ZOTI e ruajt popullin dhe shtetin tonë të dashur, Kosovën.
Gëzim Kelmendi