Kryetari i KMDLNJ-së në Mitrovicë, Halit Barani përmes një postimi në rrjetin social Facebook, ka shpërndarë një video të kthimit nga Gjermania të katër anëtarëve të familjes Jashari.
Kjo video, sipas tij për herë të parë po publikohet.
“Me rastin e 20 vjetorit të kthimi nga Gjermania i katër anëtarëve të familjes së Shaban (Murat) Jasharit: Rifat (Shaban) Jashari, Murat (Rifat) Jashari, Lulzim (Adem) Jashari dhe Bekim (Hamze) Jashari. Këta katër anëtarë u kthyen pas luftës, saktësisht, më 29 qershor 1999 në orët e mesditës, spari ishin në Shtabin e Ushtrisë ÇLIRIMTARE të Kosovës në Skenderaj, prej ketu pastaj shkuan në vendlindjen e tyre, në Prekazin Heroik të Skenderajt! Ky inqizim publikohet për herë të parë!” ka shkruar Barani në postimin e tij.