Lavdim Jashari, nipi i Ali Jasharit, kushëri shumë i afërt i komandantit legjendar Adem Jashari, përmes një shkrimi të dërguar në portalin “Bota sot”, ka reaguar ndaj deputetes Blera Deliu Kodra, e cila ka publikuar një foto në odën e Ali Jasharit, e aty prezent ishte edhe komandanti Adem Jashari.
Në këtë shkrim thuhet se në odën e Dan Lubovecit, ku në foto duket se i pranishëm ishte Adem Jashari, ishte edhe Hashim Thaçi.
Mirëpo, Lavdim Jashari ka demantuar se Thaçi nuk ishte në atë foto dhe se ajo foto ishte shkrepur në dasmën e babait të Lavdimit, Muharrem Jashari.
Reagimi i plotë:
Reagim lidhur me shkrimin e deputetes, Blerta Deliu Kodra
Deputetja Blerta Deliu ka postuar një shkrim me titull: Foto e rrallë e komandantit Adem Jashari, në një odë me muzikë patriotike!
Në këtë shkrim thuhet se në odën e Dan Lubovecit, ku në foto duket se i pranishëm ishte Adem Jashari, ishte edhe Hashim Thaçi.
Ndiej për obligim ta sqaroj opinionin publik se në këtë dasmë, që në fakt ishte dasma e babait tim, Muharrem Jashari, Hashim Thaçi nuk ishte i pranishëm dhe rrjedhimisht shkrimi i Blerta Deliut nuk mbështetet në të vërtetën.
P.S. Foton që e shoqëron shkrimin deputetja, Blerta Deliu Kodra e ka marrë nga një postim i imi në facbook. Lavdim Muharrem Jashari./Botasot
