Nënkryetari i Aleancës për Ardhmërinë e Kosovës, që është njëherit edhe ministër i Infrastrukturës Pal Lekaj, i është përgjigjur Listës serbe, e cila është shprehur e gatshme për rrëzimin e Qeverisë së Kosovës, nëse opozita i siguron 51 vota.
Lekaj në një postim në Facebook, ka thënë se deputetët e Listës serbe duhet të presin deri në fund të këtij mandati për rrëzimin e Qeverisë, përcjell Bota sot.
Ai u ka bërë thirrje atyre që ta trajtojnë me seriozitet detyrën e deputetit dhe t’i lënë anash kërcënimet.
“Nëse deputetët e Listës Serbe kanë vendosur ta presin seancën për rrëzimin e qeverisë Haradinaj, atëherë pritja për ta do të zgjasë deri në përfundim të këtij mandati. Prandaj, unë u bëjë thirrje që ta trajtojnë me seriozitet detyrën e deputetit dhe t’i lënë anash kërcënimet”, shkruan Lekaj në rrjetin social Facebook.