Kryeministri Ramush Haradinaj, ka njoftuar në Facebook se ka pasur bisedë të hapur me këshilltarët politikë të Kancelares Gjermane Angela Merkel, ku kanë biseduar me zhvillimet aktuale në vend, procesin e dialogut me Serbinë, konsolidimin e brendshëm të Kosovës dhe rrugën e saj euro-atlantike, përcjellë “Bota sot”.
Haradinaj nuk ka dhënë detaje se cili ishte qëndrimi i gjermanëve për taksën.
Postimi i plotë:
Bisedë e hapur me këshilltarët politikë të Kancelares Gjermane Angela Merkel, Jan Hecker dhe Matthias Luttenberg, për zhvillimet aktuale në vend, procesin e dialogut me Serbinë, konsolidimin e brendshëm të Kosovës dhe rrugën e saj euro-atlantike. Mirënjohës për përkrahjen e vazhdueshme të Gjermanisë në të gjitha etapat e shtetndërtimit të Kosovës. Shteti gjerman është partner i rëndësishëm ekonomik dhe politik i Kosovës dhe zë i fuqishëm i saj në strukturat euro-atlantike.