Limaj flet pas takimit me zyrtarin britanik, tregon për çka biseduan

Aktuale

Limaj flet pas takimit me zyrtarin britanik, tregon për çka biseduan

Më: 13 mars 2019 Në ora: 10:13

(E plotësuar) - Pas takimit ndërmjet drejtorit të përgjithshëm për çështje Politike në Ministrinë e Jashtme të Mbretërisë së Bashkuar, Richard Moore dhe delegacionit shtetëror për dialog, Fatmit Limaj kryesuesi i delegacionit të Kosovës për dialogun me Serbinë, deklaroi se kanë biseduar për zhvillimet aktuale dhe për përgatitjet për dialogun.

Ai theksoi se Moore ia kanë shpjeguar përgatitjet dhe platformën e miratuar në Kuvend për dialogun me Serbinë.

Sipas tij qëndrimi i gjithë miqve është që të gjendet rruga për zhvillimin e dialogut.

Image

“Të gjithë që vijnë kërkojnë ti jepet mundësi dialogut. Ne mundohemi të shpjegojmë se kushtëzimet nuk janë të mira", tha ai.

Ndër të tjera Limaj ka folur edhe takimin në Bruksel dhe mospajtimet e mundshme brenda koalicionit.

"Takimet tona në Bruksel janë të rregullta dhe nuk duhet të shihet ndryshe. Delegacioni është shumë unik", tha Limaj.

Ai ka thënë se bashkëpunimi ndërmjet anëtarëve të ekipit është në rregull pavarësisht raportimeve për përçarje të mundshme.

Edhe Shpend Ahmeti, basghkëkryesues i ekipit negociator,  tha se edhe Britania ka bërë të qartë se ajo çka presin nga procesi i dialogut është njoha e Kosovës nga Serbia. Ai tha se diskutuan edhe për çështje të tjera.

I pyetur për takimin e zhvilluar në Bruksel dhe mospajtimet e Hoxhajt, tha se nuk mund të shkojnë në çdo takim pesë- gjashtë përfaqësues. Ahmeti theksoi se delegacioni ka dy bashkëkryesues dhe sipas tij, nuk mund të komentojë pse PAN-i nuk e ka zgjedhur Enver Hoxhajn por Fatmir Limajn bashkëkryesues.Ndërsa nga ana e tyre, britanikët pjesëmarrës në takim, nuk janë deklaruar.

Image

***

Rreth orës 9:30, ka nisur takimi i drejtorit të përgjithshëm për çështje politike në Ministrinë e Jashtme të Mbretërisë së Bashkuar, Richard Moore me delegacionin shtetëror të Kosovës.

Takimi është duke u zhvilluar në Kuvend, pa praninë e mediave.

Në takim siç merr vesh kpnga delegacioni shtetëror janë Fatmir Limaj, Shpend Ahmeti, Behgjet Pacolli, Dukagjin Gorani si dhe ambasadori i Mbretërisë së Bashkuar në Kosovë, Ruairi O’ Connell.

Moore gjatë ditës së sotme do të takojë edhe kryeministrin e Kosovës Ramush Haradinaj, ndërsa mediat do të lejohen për të marrë vetëm pamje nga takimi.

commentFirst article
Sot mund të lexoni Shfletoni kopertinat