Kryetari i Nismës Socialdemokrate Fatmir Limaj, ka reaguar pas sulmit terrorist në xhamitë e Zelandës së Re.
Limaj e ka quajtur akt qyqar dhe të shëmtuar ku mbeten të vdekur rreth 50 persona.
“Kosova dhe qytetarët e saj janë përkrah popullit të Zelandës së Re në këto momente të vështira”, ka shkruar Limaj ndër të tjera në llogarinë e tij në ‘Facebook’.
Postimi i plotë i Limajt:
Sulmi terrorist në xhamitë në Christchurch të Zelandës së Re, cak i të cilit ishin dhjetëra persona të pafajshëm është akt qyqarë dhe i shëmtuar. Kosova dhe qytetarët e saj janë përkrah popullit të Zelandës së Re në këto momente të vështira. E gjithë bota demokratike duhet të angazhohet dhe të bëjë më shumë në parandalimin e sulmeve qyqare të cilat po marrin jetët e personave të pafajshëm. FL