Pacolli jep detaje nga darka e tensionuar me Thaçin e Haradinajn

Aktuale

Pacolli jep detaje nga darka e tensionuar me Thaçin e Haradinajn

Më: 16 mars 2019 Në ora: 10:51
Pacolli jep detaje nga darka e tensionuar me Thaçin e Haradinajn

Ministri i Jashtëm, Behgjet Pacolli, ka dhënë disa detaje nga darka e mbajtur kohë më parë në shtëpinë e tij ku të ftuar kanë qenë edhe Presidenti Hashim Thaçi dhe Kryeministri Ramush Haradinaj.

“Darka ka pasë, do të ketë dhe është mirë që në këtë shtëpi njerëzit e ndiejnë veten mirë… Ka qenë ajo darkë këtu dhe po, normalisht nuk ka pasur diçka që unë mundem me e quajt jonormale”.

“Ka pasur normalisht një bisedë mes Presidentit dhe Kryeministrit, ka pas një bisedë ta quaj ashtu – jo të ngarkuar, por kritikuese ndërsjelltas.” – ka thënë Pacolli për Blic Interview.

Sipas tij, pavarësisht gjithë kësaj, Haradinaj e Thaçi në fund të darkës i kanë dhënë njëri-tjetrit dorën dhe janë ndarë në mënyrë miqësore.

“Ata, njëri e ka kritikuar tjetrin por në fund të ditës jam i lumtur që secili ia ka dhënë dorën njëri-tjetrit dhe janë ndarë në mënyrë miqësore pa probleme. Por, këto shprehje mendimesh kontroverse ndodhin edhe në kafe edhe në sallën e diskutimeve, ka ndodhë edhe në shtëpinë time por në fund prapë se prapë nuk ka pasur asnjë arsye”.

commentFirst article
Sot mund të lexoni Shfletoni kopertinat