Shefki Spahiu, është rreshteri i Policisë së Kosovës, i cili vrau në vendin e punës, të riun nga Mushtishti, Jetmir Aliajn.
Rreshteri Spahiu, duket se ka raporte të mira me të fuqishmit e AAK-së.
Në fotografi ai shihet me kryeministrin Ramush Haradinaj, anëtarin e AAK-së, Blerim Kuçin, si dhe me kryetarin e Suharekës, Bali Muharremajn.
Poashtu, mësohet se Spahiu ishte edhe në procese gjyqësore për disa vepra penale.
Ai akuzohej nga Prokuroria Themelore e Prizrenit se më 9 qershor 2015 në Suharekë në një motel kishte kryer aktin seksual me personin e mitur.
Për këtë veprim Spahiu ngarkohej për keqpërdorim seksual të personave nën moshën 16 vjet, për të cilën vepër Kodi Penal i Kosovës parasheh dënimin deri në 20 vjet burgim.
Madje ai ishte shapllur i pafajshëm për keqpërdorim seksual nga Gjykata Themelore në Prizren.
