NATO nuk do të tërhiqet nga Bondstilli dhe do të mbroj të gjithë qytetarët e Kosovës përfshirë serbët ka deklaruar sekretari gjeneral i Aleancës së NATO-së Jens Stoltenberg, shkruan "B92", transmeton “Bota Sot”.
“Jemi aty që të mbrojmë të gjithë njerëzit dhe NATO nuk ka plan të zvogëloj numrin e trupave në Kosovës” ka thënë ai.
Në pyetjen si e sheh bombardimin e NATO-së ndaj SRJ dy dekada më parë, Stoltenberg ka thënë se “detyra e NATO-së ishte të ndalohej lufta dhe katastrofa humanitare, por edhe të evitohet humbja e jetës së civilëve.
“Secila humbje e jetës së civilëve është tragjedi e madhe”, ka thënë zyrtari i NATO-së duke vazhduar se kupton shembjen e temës së bombardimit.
Ai shtoi se nuk pret që Serbia të harroj të kaluarën, por duhet të shikoj ka e ardhmja dhe mundësia e bashkëpunimit.
“Evropa është me përplot vende që kanë situatë të komplikuar të së kaluarës, por kanë gjetur mënyrë që së bashku të përparojnë dhe të shkojnë kah ardhmëria”,tha kreu i NATO-së duke përmendur rastin e Suedisë dhe Norvegjisë, Francës e Gjermanisë etj.
Ai tha se “respekton qëndrimin e Serbisë se nuk dëshiron të bëhet pjesë e aleancës dhe të mbetet neutrale, por edhe respekton atë që Serbia dëshiron të jetë partner i NATO-së në luftën kundër terrorizmit dhe situatave të jashtëzakonshme.