Zëvendëskryeministri dhe ministri i Punëve të Jashtme të Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq, i cili do të qëndrojë për vizitë zyrtare në vendin tonë sot dhe nesër.
Kryediplomati malazez, do të fillojë vizitën si mysafir i homologut të tij kosovar, Pacolli, me një darkë pune, që do të mbahet në rezidencën tij.
Në ndërkohë, takimet zyrtare do të mbahen nesër, në ambientet e Ministrisë së Punëve të Jashtme:
Agjenda:
08:50 - Arritja e delegacionit në Ministrinë e Punëve të Jashtme;
09:00 – Takimi mes dy ministrave;
09:15 – Takimi në mes delegacioneve zyrtare;
09:50 – Ceremonia e nënshkrimit;
10:00 – Konferenca e përbashkët për media e Zëvendëskryeministrit të Parë dhe Ministrit të Jashtëm, Pacolli dhe ministrit të Jashtëm të Malit të Zi, Darmanoviq.
