Avni Arifi ka marrë dritën jeshile nga institucionet e Emirateve të Bashkuara Arabe për marrjen e postit të ambasadorit rezident të Republikës së Kosovës në këtë shtet.
Kryeministri i vendit, Ramush Haradinaj, brenda pak kohe do të mbetet pa njërin prej njerëzve më të afërt të tij dhe më të rëndësishëm të kabinetit të tij, Avni Arifin.
Kjo pasi që Emiratet e Bashkuara kanë dhënë pajtimin që Arifi të vendoset atje në detyrën e ambasadorit të Republikës së Kosovës.
“Ministria e Punëve të Jashtme të Bashkëpunimit Ndërkombëtar e Shtetit të Emirateve të Bashkuara, ka nderin të njoftojë Ambasadën e nderuar me aprovimin dhe pëlqimin e Qeverisë së Shtetit të Emirateve të Bashkuara, për emërimin e shtz. Avni Arifi, që të jetë ambasador i Republikës së Kosovës i akredituar në shtet, rezident në Abu Dhabi”, thuhet në dokumentin e siguruar nga media.
Arifi deri tani kishte ushtruar postin e shefit të stafit politik të kryeministrit të Qeverisë së Republikës së Kosovës, Ramush Haradinaj.
