Pas katër muajsh nga bojkotimi i seancave plenare të Kuvendit të Kosovës, Lista Serbe sot është kthyer në sallë.
Ata nuk kanë marrë pjesë në seanca që kur Qeveria e Kosovës vendosi taksën 100% për produktet serbe dhe boshnjake.
Mirëpo, sot deputetët serb pas një kohe të gjatë u panë në seancën e jashtëzakonshme të Kuvendit, e cila u mbajt për mbylljen e kazinove dhe lokaleve të lojërave të fatit.
Arsyeja që deputetët ishin sot në sallë ishte nënshkrimi në listën e deputetëve. Ata vetëm kanë nënshkruar për pjesëmarrje në seancë dhe për pak minuta, kanë dal menjëherë jashtë.
Madje, deputetët as nuk kanë pritur që të hidhet në votim Rezoluta për pezullimin e punës së kazinove dhe lokaleve të lojërave të fatit.